O‘zbekistonning tabiiy sharoiti va tabiiy boyliklari
Tabiiy sharoit — ishlab chiqarish va hayot kechiradigan joyning tabiiy xususiyatlari: relyef, iqlim, sho‘rxok yerlar, cho‘llar va boshqalar. Tabiiy boyliklar esa bevosita ishlab chiqarishga jalb qilinadigan, uning xomashyo va energiya bazasini tashkil etuvchi tabiat ne’matlaridir. Tog‘ relyefi, sho‘rxoklar va jarliklar hududni o‘zlashtirishni qiyinlashtiradi, qurg‘oqchil yillarda esa daryolar suvi kamayadi; fan-texnika bu bog‘liqlikni kamaytirmoqda. Boyliklar uch guruhga bo‘linadi: tiklanmaydigan (neft, gaz, ko‘mir, ruda kabi foydali qazilmalar), tiklanadigan (suv, unumdor tuproq, o‘simlik va hayvonot dunyosi, havo) va tugamaydigan (quyosh energiyasi, agroiqlimiy boylik). Tiklanmaydigan boyliklardan ogilona foydalanish uchun konlarni to‘liq qazib olish, atrof-muhitni buzmaslik, barcha qimmatli moddalardan foydalanish, geologik qidiruvni davom ettirish va resursni tejaydigan texnologiyani qo‘llash kerak.
«Boylik kartochkalari»: har bir o‘quvchi tasodifiy boylikni (gaz, suv, tuproq, quyosh, oltin) oladi va sinfdagi uch guruhdan qaysi biriga tegishli ekanini aytib joylashtiradi.