Burchakning radian o‘lchovi

Uzunligi aylana radiusiga teng yoyga tiralgan markaziy burchak 1 radian (1 rad) deyiladi. Yarim aylananing uzunligi πR bo‘lgani uchun 180° = π rad, demak 1 rad = 180° : π ≈ 57,3°. O‘tish formulalari: α rad = (180 · α : π)°; α° = (π · α : 180) rad. Ko‘p uchraydigan burchaklar: 30° = π/6, 45° = π/4, 60° = π/3, 90° = π/2, 180° = π, 270° = 3π/2, 360° = 2π. Odatda burchak radianda berilsa, «rad» so‘zi yozilmaydi. R radiusli aylanada α radian burchak tortib turgan yoyning uzunligi l = αR; radiusi R, burchagi α bo‘lgan sektorning yuzi S = R²α : 2. Radiusi 1 bo‘lgan aylanada yoy uzunligi burchakning radian o‘lchoviga teng bo‘ladi.