Skalar ko‘paytma. Vektorlarning fizik talqini

Kuchni strelka bilan chizish qulay: strelka kuch qaysi tomonga ta’sir qilsa, o‘sha tomonga qaraydi, uzunligi esa kuch qancha katta bo‘lsa, shuncha uzun olinadi. Bir nuqtada ta’sir qiluvchi ikki kuchning teng ta’sir etuvchisi shu kuchlar vektorlarining yig‘indisi: →c = →a + →b. Aksincha, kuchni berilgan ikki yo‘nalish bo‘yicha ikki kuch yig‘indisi shaklida yozish kuchni yoyish deyiladi. Jismning ilgarilama harakatida uning barcha nuqtalari bir xil masofaga bir tomonga siljiydi, shuning uchun siljish vektor bilan beriladi. Tezlik, kuch kabi kattaliklar moduldan tashqari yo‘nalish bilan ham aniqlanadi, ularni vektor kattaliklar deymiz; masalan, tezlik moduli m/s da, kuch moduli esa nyutonda (N) o‘lchanadi.