Trapetsiyaning o‘rta chizig‘i

Trapetsiyaning yon tomonlari o‘rtalarini tutashtiruvchi kesma uning o‘rta chizig‘i deyiladi. Teorema: trapetsiyaning o‘rta chizig‘i asoslariga parallel va uzunligi asoslari yig‘indisining yarmiga teng, ya’ni m = (a + b) : 2. Isbotda kichik asosning uchidan o‘tuvchi to‘g‘ri chiziq katta asos davomini kesadi va uchburchakning o‘rta chizig‘i haqidagi teoremadan foydalaniladi. Natija: yon tomon o‘rtasidan asoslarga parallel o‘tkazilgan to‘g‘ri chiziq ikkinchi yon tomonni ham teng ikkiga bo‘ladi. Qo‘shimcha: diagonallar o‘rtalarini tutashtiruvchi kesma asoslarga parallel va asoslar ayirmasining yarmiga, ya’ni (a − b) : 2 ga teng (a > b).