Sifat darajalari: oddiy, orttirma, qiyosiy, ozaytirma

Belgining me’yordan kamligini bildiruvchi shakl ozaytirma daraja shakli sanaladi. U oddiy darajadagi sifat oldiga sal, biroz, picha, nim so‘zlarini qo‘yish bilan hosil bo‘ladi: sal sovuq, biroz issiq, picha achchiq. Rang-tus bildiruvchi ba’zi sifatlardan -(i)mtir, -ish qo‘shimchalari yordamida ham ozaytirma shakl yasaladi: ko‘kimtir, qizg‘ish, sarg‘ish, oqish. Bu qo‘shimchalar o‘zakka qo‘shib yoziladi. Nim so‘zi ham keyingi so‘zga qo‘shib yoziladi: nimpushti. Ozaytirma shakl belgining mavjudligini, lekin kuchsizligini ko‘rsatadi.