Morfologiya, so‘z tarkibi, asos va qo‘shimchalar

Leksikologiya so‘zning atash, ya’ni lug‘aviy ma’nosini o‘rganadi. Atash ma’nosi so‘zning narsa, belgi yoki harakatni nomlashidir. Lekin so‘z atash ma’nosidan tashqari grammatik ma’noga ham ega bo‘ladi. Masalan, olmalarni so‘zida «olma daraxti mevasi» — atash ma’nosi, «ko‘plik» (-lar) va «tushum kelishigi» (-ni) esa grammatik ma’nolardir. Grammatik ma’nolarni ifodalovchi vositalar grammatik shakl deyiladi. So‘zlarning grammatik ma’nolarini va ularni ifodalovchi shakllarni o‘rganuvchi bo‘lim morfologiya hisoblanadi. U yunoncha morphe — «shakl», logos — «ta’limot» so‘zlaridan olingan.