Ravishlarning ma’no turlari: holat, payt, o‘rin, miqdor-daraja

Harakat-holatning qanday holda, qanday tarzda bajarilganini bildiradigan va qanday? qay holda? qay tarzda? so‘roqlariga javob beradigan ravishlar holat ravishlari deyiladi. Ularga jim, yayov, chindan, qo‘qqisdan, to‘satdan, piyoda, tasodifan, astoydil, eskicha, qatorasiga, birma-bir, yakkama-yakka, yonma-yon, bafurja, arang, zo‘rg‘a, mardlarcha kabi so‘zlar kiradi. Ko‘pi yasama: tasodifan, eskicha, mardlarcha. Juft va takroriy holat ravishlari chiziqcha bilan yoziladi: birma-bir, yakkama-yakka, yonma-yon. Holat ravishi gapda ko‘pincha hol bo‘lib, fe’lni aniqlaydi.