Tasodifiy hodisalar va ehtimollik
Javoblar ota-onalar va o‘qituvchilar uchun.
1
1 dan 12 gacha raqamlangan kartochkalardan 3 ga karrali son olish ehtimolligini toping.
3, 6, 9, 12 — 4 ta: 4/12 = 1/3.
2
Savatda 7 olma, 5 nok va 8 olxo‘ri bor. Tavakkaliga olingan meva nok bo‘lmaslik ehtimolligi?
Jami 20; nok emas 15 ta: 15/20 = 3/4.
3
Ikki kub tashlanganda yig‘indi 10 bo‘lish ehtimolligini toping.
(4; 6), (5; 5), (6; 4) — 3 ta, 3/36 = 1/12.
4
Testda 4 ta savol bor, har biriga «ha» yoki «yo‘q» deb javob beriladi. O‘quvchi javoblarni tavakkaliga belgiladi. Hammasi to‘g‘ri bo‘lishi va kamida bittasi to‘g‘ri bo‘lishi ehtimolliklarini toping.
Jami 2⁴ = 16 teng imkoniyatli natija. Hammasi to‘g‘ri — 1/16; kamida bittasi to‘g‘ri — 16 − 1 = 15 natija, 15/16.
5
«Ertaga yomg‘ir ehtimolligi 30 %» degan prognozni qanday tushunasiz?
Shunga o‘xshash sharoitli kunlarning taxminan 30 foizida yomg‘ir yog‘gan. Ertaga yog‘masligi ehtimoli ko‘proq, lekin yog‘ishi ham mumkin.