Ko‘chirma gapli qo‘shma gaplarda tinish belgilarining qo‘llanishi
Muallif gapi va ko‘chirma gap bir-biriga nisbatan turlicha joylashganda, tinish belgilari quyidagicha ishlatiladi. 1) M: «K». M: «K?» M: «K!» – muallif gapidan keyin ikki nuqta, ko‘chirma gap qo‘shtirnoqda va katta harf bilan boshlanadi. 2) M: «K», – m. M: «K?» – m. M: «K!» – m. 3) «K», – m. «K?» – m. «K!» – m. – ko‘chirma gap oxirida vergul (so‘roq va undov belgisi bo‘lsa, o‘sha belgi), keyin tire, muallif gapi kichik harf bilan. 4) «K, – m, – k» – muallif gapi o‘rtada kelsa, uning ikki tomoniga tire, birinchi bo‘lakdan keyin vergul qo‘yiladi, ikkinchi bo‘lak kichik harf bilan boshlanadi. Ko‘chirma gap yangi qatordan berilsa, qo‘shtirnoq qo‘yilmaydi, uning boshida tire qo‘yiladi.
«Tinish ustasi»: o‘qituvchi tinish belgilarisiz gap beradi, o‘quvchilar to‘rt qolipdan birini tanlab, belgilarni qo‘yadi.