To‘la qaytish masalalari va prizma bilan laboratoriya ishi

Bu turdagi masalalarda avval nur qaysi muhitdan qaysi muhitga o‘tayotganini aniqlang: to‘la qaytish faqat zichroq muhitdan siyrakroqqa o‘tishda mumkin. Chegaraviy burchak sin α₀ = n₂/n₁ formulasi bilan topiladi; muhit havo bo‘lsa, sin α₀ = 1/n. Agar sinish qonunidan n₂/n₁ ni topish kerak bo‘lsa, ikki burchakning sinuslaridan foydalaning: n₂/n₁ = sin α/sin β. Chegaraviy burchak berilgan bo‘lsa, n = 1/sin α₀ topiladi, so‘ng v = c/n bilan yorug‘lik tezligi hisoblanadi. Tushish burchagi α₀ dan katta bo‘lsa, nur to‘la qaytadi, kichik bo‘lsa, qisman sinib chiqadi. Sinus qiymatlari: sin 30° = 0,5; sin 37° ≈ 0,6; sin 45° ≈ 0,71; sin 53° ≈ 0,8; sin 60° ≈ 0,87.