Siniq chiziq, ko‘pburchak va uchburchak

Bir to‘g‘ri chiziqda yotmaydigan uchta nuqta va ularni juft-juft tutashtiruvchi uchta kesmadan tashkil topgan shakl uchburchak deb ataladi; △ABC deb yoziladi. Nuqtalar uchlari, kesmalar tomonlari, ∠A, ∠B, ∠C burchaklari. Tomonlar va burchaklar uning asosiy elementlari. Uchala tomon uzunligi yig‘indisi perimetr: P = AB + BC + AC. Tomonlariga ko‘ra: teng tomonli (uchala tomoni teng), teng yonli (ikki tomoni teng), turli tomonli. Burchaklariga ko‘ra: to‘g‘ri burchakli (bir burchagi 90°), o‘tkir burchakli (hamma burchagi o‘tkir), o‘tmas burchakli (bir burchagi o‘tmas). Yozuvda «BAC burchak AB va AC tomonlar orasida», «BC tomon ∠A qarshisida» iboralari qo‘llanadi.