To‘g‘ri chiziqli tekis harakat

Trayektoriyasi to‘g‘ri chiziq bo‘lgan harakat to‘g‘ri chiziqli harakat deyiladi. Agar jism istalgan teng vaqt oraliqlarida bir xil ko‘chishlar qilsa, uning harakati tekis bo‘ladi. Ya’ni to‘g‘ri chiziqli tekis harakatda jism har sekundda, har daqiqada bir xil masofani bosib o‘tadi va yo‘nalishini o‘zgartirmaydi. Bunday harakat bir me’yorda va bir tomonga bo‘ladi. Amalda mutlaqo tekis harakat kam uchraydi: to‘g‘ri yo‘lda doimiy tezlik bilan ketayotgan avtomobil, eskalator zinalari taxminan shunday harakat qiladi. Tekis harakatni tekshirish uchun jism yo‘lini teng vaqt oraliqlarida o‘lchab, ular bir xilmi-yo‘qligini solishtiramiz.