Son: ma’no guruhlari, sanoq va dona sonlar

Narsalarning miqdorini donalab ifodalaydigan sonlar dona sonlar deyiladi. Ular sanoq songa -ta qo‘shimchasini qo‘shish bilan hosil bo‘ladi: ikkita, uchta, beshta, o‘nta, yigirmata. Bir soniga -ta qo‘shilganda «bitta» shakli hosil bo‘ladi: bir+ta = bitta. Ikki soni -ta bilan ikkita shaklida yoziladi. Donalash ma’nosini «dona» so‘zi ham bildiradi: besh dona qalam. Narsaning turiga ko‘ra nafar (kishilar), bosh (hayvonlar), tup (o‘simliklar), litr, gramm kabi so‘zlar ham ishlatiladi: uch nafar o‘quvchi, o‘n bosh qo‘y, besh tup daraxt. -ta qo‘shimchasi sondan keyin qo‘shib yoziladi.