II shaxs buyruq shakli, shart mayli va shaxs-son shakllari

Fe’lda ifodalangan harakat yoki holatning bajaruvchi shaxsini va bu shaxsning bitta yoki ko‘p ekanligini bildiruvchi shakllar shaxs-son shakllari deyiladi. I va II shaxs maxsus shakllar bilan ifodalanadi; III shaxsda esa zamon qo‘shimchalari shaxs ma’nosini ham bildiradi. -di va -sa shakllaridan keyin -m, -ng, -k, -ngiz qo‘shimchalari keladi: o‘qidim, o‘qiding, o‘qidik, o‘qidingiz; o‘qisam, o‘qisang. Sifatdosh, ravishdosh shakllari va sof fe’lning hozirgi-kelasi zamon shakllaridan keyin -man, -san, -miz, -siz qo‘shimchalari keladi: o‘qiyman, o‘qiysan, o‘qiymiz, o‘qiysiz; o‘qigansan. III shaxs ko‘plik -lar bilan: o‘qidilar, o‘qiydilar.