O‘tgan, hozirgi zamon shakllari va to‘liqsiz fe’l

Edi, emish, ekan fe’llari to‘liqsiz fe’llar sanaladi. Ular yetakchi fe’lning zamon shakllaridan keyin keladi, shaxs-son qo‘shimchalari esa to‘liqsiz fe’lga qo‘shiladi: kelgan ekansan, kelgan edik, kelayotgan emishsan. Edi o‘tgan zamon ma’nosini beradi, emish eshitib bilgan xabarni, ekan esa keyin bilib qolgan yoki kutilmagan holatni bildiradi. Bu fe’llar qisqa shaklda ham qo‘llanadi: edi — -di (borgandi), emish — -mish (borganmish), ekan — -kan (kelarkan). Qisqa shakllar yetakchi fe’lga qo‘shib yoziladi.