Jek London «Hayotga muhabbat»

Darslik tahlilidan: hikoyada inson tabiat kuchlari bilan yonma-yon, basma-bas tasvirlanadi, uning kurashuvchanligi va umidiga urg‘u beriladi – qahramonning hayotga muhabbati o‘lim ustidan g‘alaba qozonadi. Syujet o‘ziga xos: boshida ikki yo‘lovchi, ulardan biri – Bill – sherigini tashlab ketadi, so‘ng bittagina qahramon qoladi. Muallif uni nomlamaydi, «odam» deydi, ehtimol butun insoniyat matonatini ko‘rsatish uchun. Odatda London asarlarida oltin izlovchilar bo‘ladi; bu hikoyada ikkala qahramon oltin bilan sinaladi. Oltin birinchi yarmi, so‘ngra hammasi tashlab yuboriladi: kimsasiz joyda bir burda nonga, bir qo‘l yordamiga muhtoj kishiga oltinning qadri yo‘q. Hamrohini tashlab, oltinni sevgan Billning oqibati ayanchli: odam uning xaltasi va suyaklariga duch keladi – o‘quvchi to‘g‘rilik, sadoqat, insof haqida o‘ylaydi. To‘siqlar – sahro, ko‘lmak, ayiq, bo‘ri – qahramon hayotga muhabbatini oshiradi. Kasal bo‘ri bilan odam holati qiyoslanadi: ikkalasida ham mador yo‘q, ammo odamda yashash umidi bor. Darslik hikoyaning g‘oyasini shukronalik, do‘stga sadoqat va hayotga muhabbat tuyg‘ularini orttirishda ko‘radi.