Kimyoviy elementlar davriy sistemasi
Davriy sistemada elementlar gorizontal qatorlarda — davrlarda va vertikal ustunlarda — guruhlarda joylashgan. Jami 7 ta davr bor: 1-, 2-, 3-davrlar kichik (bitta qatordan iborat, 2, 8 va 8 ta element), 4–7-davrlar katta (ikkitadan qator; 18, 18, 32, 32 ta element). Har bir davr ishqoriy metalldan boshlanib inert gaz bilan tugaydi (birinchi davr H dan He gacha). Guruhlar 8 ta bo‘lib, rim raqamlari bilan belgilanadi va har biri bosh hamda qo‘shimcha guruhchaga bo‘linadi: masalan, I guruhning bosh guruhchasida Li, Na, K, qo‘shimcha guruhchasida Cu, Ag, Au turadi. Bosh guruhchada tashqi qavatdagi elektronlar soni va kislorodga nisbatan yuqori valentlik guruh raqamiga teng (O va F dan tashqari). Davrda chapdan o‘ngga metallik xossa susayadi, bosh guruhchada yuqoridan pastga esa kuchayadi; shu sababli eng kuchli metallmas — ftor, eng faol metallar esa jadvalning chap pastki qismida (fransiy, seziy).
«Jadvalda sayohat»: o‘qituvchi koordinatalarni aytadi («3-davr, VI guruh, bosh guruhcha»), o‘quvchilar elementni topadi (S). Devordagi davriy jadval bilan ishlanadi.