To‘qimalar, organlar va organizm

Tuzilishi va vazifasi o‘xshash hujayralar hujayralararo modda bilan birga to‘qimani hosil qiladi. Odamda to‘rt xil to‘qima bor: epiteliy (tana va ichki organlar yuzasini qoplaydi, himoya qiladi, shira ajratadi), biriktiruvchi (qon, limfa, suyak, tog‘ay, paylar, yog‘), muskul (qisqarib harakat beradi; ko‘ndalang-targ‘il skelet, yurak va silliq muskullar) va nerv to‘qimasi (neyronlar va neyrogliya, organlarni bog‘laydi va boshqaradi). Bir yoki bir necha to‘qimadan tuzilgan, muayyan shakl va vazifaga ega tana qismi organ deyiladi. Bir vazifani birgalikda bajaradigan organlar sistemani hosil qiladi: tayanch-harakat, qon aylanish, nafas olish, hazm qilish, ayirish, nerv, sezgi va jinsiy sistemalar. Tana bo‘shliqlari: miya qutisi (bosh miya), umurtqa nayi (orqa miya), ko‘krak bo‘shlig‘i (yurak, o‘pka), qorin bo‘shlig‘i (oshqozon, jigar, ichaklar) va chanoq; ko‘krak va qorin bo‘shliqlarini muskulli diafragma ajratib turadi.