Modal so‘zlar

Modal so‘zlar ham boshqa yordamchi so‘zlar kabi sof va vazifadosh turlarga bo‘linadi. Sof modal so‘zlar faqat modal ma’noda ishlatiladi, boshqa vazifada kelmaydi: albatta, afsuski, attang, shekilli, koshki, darhaqiqat, haqiqatan, avvalo, avvalambor, xullas, masalan. Vazifadosh modal so‘zlar esa asli boshqa turkumga oid bo‘lib, ba’zan modal ma’noda keladi: aftidan, chamasi, ehtimol, umuman, taxminan, shubhasiz. Masalan, «Chamasi, poyezd kechikadi» gapida «chamasi» modal so‘z, «Ustaning chamasi aniq ekan» gapida esa ot (taxmin ma’nosida). Modal so‘z bo‘lib kelganda ikkala tur ham vergul bilan ajratiladi.