Scratchda spraytlar va sahna bilan ishlash

Sprayt va fonni dasturning kutubxonasidan tanlash mumkin: spraytlar panelidagi «Sprayt tanlash» (Choose a Sprite) tugmasi ustiga olib borilsa, variantlar chiqadi: kutubxonadan tanlash, o‘zing chizish (Paint), kompyuterdan yuklash va tasodifiy sprayt (Surprise). Xuddi shunday «Fon tanlash» (Choose a Backdrop) bilan sahna foni o‘rnatiladi. Spraytni sichqoncha bilan sahnada istalgan joyga sudrab qo‘yish mumkin. Spraytlar panelida tanlangan spraytning xususiyatlari ko‘rinadi: nomi (Sprite), ko‘rinishi (Show), o‘lchami (Size), yo‘nalishi (Direction) va joyi (x, y). Kerak bo‘lmagan spraytni olib tashlash uchun uning yonidagi o‘chirish tugmasi bosiladi. Loyihani saqlash: Fayl menyusidan «Kompyuterga saqlash» (Save to your computer) tanlanadi yoki hisobingizga kirgan bo‘lsangiz, onlayn saqlanadi. Faylga mazmunli nom bering, masalan, hayvonot_bogi.sb3. Kutubxonadagi spraytlardan foydalanish uchun alohida ruxsat kerak emas, lekin internetdan boshqa rasmlarni yuklashda mualliflik huquqiga e’tibor bering.