Ish qog‘ozlari ustida ishlash

Ish qog‘ozlari – rasmiy uslubda yoziladigan hujjatlar: ariza, tushuntirish xati, tarjimayi hol, ma’lumotnoma, ishonchnoma, dalolatnoma, bayonnoma, taklifnoma, tavsifnoma, hisobot, e’lon va boshqalar. Ularning tiliga xolislik, aniqlik, ixchamlik va tayyor qolip (qoliplashgan ifoda) talab qilinadi. Shuning uchun unda kichraytirish-erkalash shakllari, sheva so‘zlari, ko‘chma ma’nodagi ifodalar, ritorik so‘roq va his-hayajon bo‘lmaydi. Ariza quyidagi qismlardan iborat: kimga (qabul qiluvchi), kimdan (yuboruvchi), hujjat nomi (ARIZA), matn, ilova, sana va imzo. Hujjatda sana va imzo qo‘yilishi, ma’lumotlar aniq yozilishi shart.