Tanlov va uning muqobil qiymati
Javoblar ota-onalar va o‘qituvchilar uchun.
1
Yozgi ta’tilda bir oy vaqtingiz bor. Uni o‘tkazishning uch xil yo‘lini yozing, bittasini tanlang va tanlovingizning muqobil qiymatini ayting.
Namuna: qishloqqa borish, ingliz tili kursi, ota-onaga do‘konda yordam berish. Kursni tanlasam, muqobil qiymat – ikkinchi eng yoqqan variant, masalan, qishloqqa borish.
2
Bog‘bon 8 000 000 so‘mga gul ko‘chati (dona narxi 4 000 so‘m) olmoqchi. Hammasiga gul ko‘chati olsa, nechta oladi?
2000
3
Tikuvchi bir kunda 12 ta ko‘ylak yoki 36 ta ro‘mol tikishi mumkin. 1 ta ko‘ylakning muqobil qiymati nechta ro‘mol?
3
4
Oilangiz hayotidan murosali tanlovga bitta misol keltiring.
Masalan, oyligining bir qismi oziq-ovqatga, bir qismi kommunal to‘lovga, bir qismi jamg‘armaga ajratiladi.
5
Nima uchun «tekin» narsa ham ba’zan muqobil qiymatga ega bo‘ladi? Vaqt misolida tushuntiring.
Chunki vaqt cheklangan: tekin tadbirga borsangiz, shu vaqtda qilishingiz mumkin bo‘lgan boshqa foydali ishdan (masalan, dars tayyorlashdan) voz kechasiz.