Iqtisodiyot bilan tanishuv
Javoblar ota-onalar va o‘qituvchilar uchun.
1
Oilangizda bir kun davomida iste’mol qilingan bitta mahsulotni tanlang va uning to‘rt bosqichdan o‘tgan yo‘lini 4–5 gapda yozing.
Namuna: sut – fermada sog‘iladi (ishlab chiqarish), do‘konga yetkaziladi (taqsimot), xarid qilinadi (ayirboshlash), ichiladi (iste’mol).
2
Tumaningizdagi yoki mahallangizdagi bitta korxonani (novvoyxona, tikuvchilik ustaxonasi, do‘kon) ayting: uning faoliyatida odamlar, tabiat va odamlar yaratgan narsalar qanday ko‘rinadi?
Namuna (novvoyxona): odamlar – novvoy va sotuvchi; tabiat – bug‘doy; yaratilgan narsalar – tandir, pech, bino.
3
Uchta misol keltiring: kasbingiz qanday bo‘lmasin, iqtisodiy bilim qachon asqotadi?
Masalan: oila budjetini tuzishda, narxlarni solishtirib xarid qilishda, ish haqi va soliqni tushunishda.
4
Mikro yoki makro? a) Butun mamlakatda bir yilda jami qancha paxta yetishtirildi? b) Mening oilam bu oy elektr uchun qancha to‘ladi?
a) makroiqtisodiyot (butun mamlakat); b) mikroiqtisodiyot (bitta oila).