Ko‘ylakni tikish

Yoqasiz yengil kiyimda bo‘yin o‘miziga adip, magiz yoki planka bilan ishlov beriladi. Adip bilan: 1) bo‘yin o‘mizi shaklida bichilgan adipning ichki qirqimlari 0,5–0,7 sm bukilib tikiladi yoki yo‘rmalanadi; 2) adip o‘ngini kiyim o‘ngiga qaratib o‘miz chetiga qo‘yilib, 1,0 sm kenglikdagi agdarma shok bilan tikiladi, shok haqiga kertimlar beriladi; 3) adip kiyim tomoniga agdarilib, shok to‘g‘rilanadi va bostirma shok bilan tikiladi; 4) adipning ichki qirqimlari qo‘lda yoki yashirin baxyali mashinada mahkamlanadi. Magiz tanda ipiga 45° qiyalikda bichiladi, 0,5–0,7 sm kenglikdagi agdarma shok bilan tikilib o‘mizni o‘raydi. Plankada kertimlar bo‘yin burchaklarida beriladi, shunda tortilib qolmaydi; planka agdarilib kant hosil qilinadi va bostirma shok bilan tikiladi. Koketka ikki qavatli bo‘lsa, ustki va ostki koketkalar o‘ngini o‘ngiga qaratib to‘g‘nog‘ich bilan qadaladi va 1,0 sm chok haqi bilan aylantirib tikiladi. Etakni koketkaga ulash: qo‘yma burmalar ulanib yo‘rmalanadi, burma tekis taqsimlanadi, o‘ng tomonlarni birlashtirib ko‘klab, mashinada tikiladi. Yengni o‘mizga o‘tkazish: yeng boshidagi ortiqcha kenglik (posadka) asosan yeng boshining qiya qismlariga taqsimlanadi, pastki qismida deyarli bo‘lmaydi; mayda qadamli (taxminan 0,5 sm) vaqtincha qaviq bilan ko‘klanadi. Yengsiz ko‘ylakda yeng o‘miziga albatta adip yoki magiz qo‘yiladi. Etak: yopiq qirqimli bukma shok (avval 0,3–0,5 sm, so‘ng yana bir marta bukiladi), ochiq qirqimli yoki yashirin baxyali mashinada. Oxirgi ishlov: qo‘l choklaridagi iplar olinadi, ortiqcha iplar kesiladi, bo‘r chiziqlari o‘chiriladi. Dazmolning harorati mato turiga mos: kimyoviy tola va tabiiy ipak – past, jun – o‘rtacha (nam mato orqali), paxta va zig‘ir – yuqori, biroz namlab. Xavfsizlik: dazmol va mashinadan faqat o‘qituvchi nazoratida foydalaning; ipni kesish uchun qaychini yopiq uzating; ish tugagach barcha igna va to‘g‘nog‘ichlarni sanab oling.