Delphi da grafika

Ko‘p obyektlarda Canvas (polotno) xossasi bor: unda shakllar chiziladi. Chizish uchun oynada Additional yorlig‘idagi Image obyektidan foydalanish qulay, chunki unga chizilgan shakl oyna yopilib-ochilganda yo‘qolmaydi (to‘g‘ridan-to‘g‘ri Form1.Canvas ga chizilgan shakl esa oyna boshqa oyna ostida qolsa o‘chib ketishi mumkin). Koordinatalar polotnoning chap yuqori burchagidan sanaladi: x – o‘ngga, y – pastga. Rectangle(x1, y1, x2, y2) to‘g‘ri to‘rtburchak, Ellipse(x1, y1, x2, y2) esa shu to‘rtburchakka ichki chizilgan ellips chizadi; kvadrat ichiga ellips – aylana bo‘ladi. MoveTo(x, y) qalamni nuqtaga ko‘chiradi, LineTo(x, y) esa joriy nuqtadan berilgan nuqtagacha kesma chizadi. Pen (qalam: Color, Width, Style) chiziqlarni, Brush (cho‘tka: Color, Style) ichki sohani bo‘yaydi. Rang cl nomlari bilan (clRed, clBlue, clYellow) yoki RGB(qizil, yashil, ko‘k) bilan beriladi, har bir qiymat 0 dan 255 gacha, shuning uchun 256·256·256 = 16777216 rang bor. Bitta nuqtani Canvas.Pixels[x, y] := RGB(255, 0, 0); bilan bo‘yash mumkin. Lazarus da RGB o‘rniga RGBToColor(r, g, b) ishlatiladi.