Markaziy Osiyo mamlakatlari

Markaziy Osiyo beshta davlatdan iborat: Qozog‘iston, Qirg‘iziston, Tojikiston, Turkmaniston va O‘zbekiston. Ularning hech biri okeanga chiqmaydi. Qozog‘iston dunyodagi dengizga chiqmaydigan davlatlar orasida maydoni eng katta. O‘zbekiston ikki karra yopiq: o‘zi ham, barcha qo‘shnilari ham dengizga chiqmaydi. Subregionning ijobiy tomoni – tranzit o‘rni: Buyuk Ipak yo‘li shu yerdan o‘tgan, bugun ham Yevropa va Osiyoni bog‘laydigan yo‘llar bu yerda. Salbiy tomoni – dengizdan uzoqlik va tashqi yo‘llarga bog‘liqlik. Relyefda Tojikiston va Qirg‘iziston baland tog‘li, Qozog‘iston, O‘zbekiston va Turkmaniston asosan tekislik; janubi-sharq seysmik xavfli. Iqlim keskin kontinental va quruq, cho‘l, chala cho‘l va dasht zonalari keng. Suv notekis taqsimlangan: Amudaryo, Sirdaryo kabi daryolar tog‘lardan boshlanib, bir necha davlatdan oqadi, shuning uchun tog‘li davlatlar suv va gidroenergiyaga boy. Subregionda neft, gaz, ko‘mir, oltin, uran, mis kabi resurslar ko‘p. Aholisi taxminan 80 mln, O‘zbekiston subregionda eng ko‘p aholili davlat. Xo‘jalikda konchilik va energetika hamda qishloq xo‘jaligi (sug‘orma dehqonchilik, paxta, don, chorvachilik) muhim o‘rin tutadi. Integratsiya omillari: umumiy transport, transchegaraviy suv, resurslarning bir-birini to‘ldirishi, umumiy ekologik va tabiiy xavf muammolari.