Amaliyot darsi. O‘zbekiston Respublikasi Oliy Majlis deputatlari va senatorlari saylovi
Saylov jarayoni bosqichlarga bo‘linadi. Avval saylov sanasi belgilanadi, saylov okruglari va uchastkalari tuziladi, saylovchilar ro‘yxati tayyorlanadi. Keyin nomzodlar ko‘rsatiladi: siyosiy partiyalar yoki qonunda belgilangan boshqa tartibda. Komissiya hujjatlarni tekshirib, nomzodlarni ro‘yxatga oladi. Nomzodlar ovoz berishdan oldin saylovchilarga dasturini tushuntiradi – bu targ‘ibot davri; ommaviy axborot vositalari xolis yoritishi lozim. Ovoz berish kuni uchastka komissiyasi saylovchini ro‘yxat bo‘yicha tekshirib, byulleten beradi; ovozlar sanalgach bayonnoma tuziladi va yuqori komissiyaga yuboriladi. Natijalar rasman e’lon qilinadi, e’tiroz bo‘lsa, qonunda belgilangan tartibda ko‘riladi. Saylov kodeksiga ko‘ra Qonunchilik palatasi deputatligiga saylov kuni 25 yoshga to‘lgan va O‘zbekistonda kamida besh yil muqim yashayotgan fuqaro nomzod bo‘la oladi; nomzodlarni siyosiy partiyalar ko‘rsatadi. Senatorlar esa aholi tomonidan emas, Jo‘qorg‘i Kenges, viloyat, tuman va shahar Kengashlari deputatlarining qo‘shma majlislarida saylanadi.
«Maktab kengashi saylovi»: sinf komissiya (3 kishi), nomzodlar (3 kishi), kuzatuvchilar va saylovchilarga bo‘linadi. Nomzodlar targ‘ibot qiladi, yashirin ovoz beriladi, komissiya sanab, bayonnoma yozadi.