Yassi chuvalchanglar tipi

So‘rg‘ichlilar va tasmasimon chuvalchanglar parazitlikka moslashgan: tanasi qalin kutikula bilan qoplangan, ikkinchisida hazm organlari yo‘q. Jigar qurti qoramol, qo‘y va boshqa sutemizuvchilarning jigari o‘t yo‘llarida yashaydi, og‘iz va qorin so‘rg‘ichlari bilan yopishib, o‘t suyuqligi va qonni so‘radi. Tuxumi suvda kiprikli lichinkaga aylanadi, u chuchuk suv shillig‘iga kiradi, keyin dumli lichinka suvga chiqib, o‘simlikka yopishib sista hosil qiladi; sistali o‘t yoki suvni ichgan hayvonda yana jigarga yetadi. Asosiy xo‘jayin – sutemizuvchi, oraliq xo‘jayin – suv shillig‘i. Qoramol tasmasimon chuvalchangi odam ingichka ichagida yashaydi, uzunligi 8–10 m, boshida to‘rtta so‘rg‘ich, tanasi ming taga yaqin bo‘g‘imdan iborat. Tuxumga to‘lgan bo‘g‘imlar axlat bilan chiqadi, qoramol tuxumni yem-xashak bilan yutadi, uning muskulida finna hosil bo‘ladi. Odam yaxshi pishmagan finnali go‘sht orqali kasallanadi: u asosiy, qoramol esa oraliq xo‘jayin. Ulardan saqlanish uchun go‘shtni yaxshi pishirish, ko‘kat va sabzavotni yuvish, qo‘l gigienasi kerak, kasallik gumon qilinsa vrachga borish lozim.