Suyakli baliqlar va ko‘l baqasining tashqi tuzilishi

Suyakli baliqlar sinfining skeleti suyakdan iborat; ular bir necha turkumga bo‘linadi. Bakra (suyak-tog‘ayli) baliqlarning cho‘ziq tanasida 5 qator suyak plastinka bor, skeleti asosan tog‘ay, xordasi umrbod saqlanadi. Orol havzasida ilgari 2 m gacha bo‘ladigan bakra baliq ko‘p bo‘lgan, hozir u juda kamyob; Amudaryoda esa O‘zbekiston «Qizil kitobi»ga kiritilgan noyob soxta kurakburunlar (qilquyruqlar) saqlanib qolgan. Losossimonlar (losos, keta, bukri baliq, forel) orqa suzgichi ortida yana bitta suzgich bo‘ladi; ko‘pchiligi ko‘payish uchun dengizdan daryoga o‘tadi. Karpsimonlar – eng ko‘p tarqalgan, suyak skeletli turkum: zog‘ora, mo‘ylov baliq, oqcha; Uzoq Sharqdan oq amur va xumbosh iqlimlashtirilgan. Panjaqanotli latimeriya suzgichlari skeleti quruqlikda yashovchilar oyog‘iga o‘xshaydi. Baliq go‘shti va ikrasi qimmatli oziq, baliq moyi vitaminli dori, chiqindidan baliq uni olinadi. Tabiatda tuxum va chavoqlar ko‘p nobud bo‘lgani uchun baliqlar maxsus zavodlarda ko‘paytirilib, suv havzalariga qo‘yiladi. Baliqlar lansetnikka o‘xshash sodda xordalilardan kelib chiqqan deb taxmin qilinadi. Noyob turlarni muhofaza qilish, ovlash qoidalariga amal qilish kerak.