Ichimliklar, yaxna taomlar, buterbrod va quymoq

Xamir mahsulotlari unga sut yoki suv, shakar, yog‘, tuxum va boshqa mahsulotlar qo‘shib tayyorlanadi; quymoq ham xamir mahsulotidir. Boshlashdan oldin un elanadi, sut ilitiladi, tuxum po‘sti iliq suvda yuviladi. Tvorogli quymoq (1 kg uchun): un 400 g, sut 1 l, tuxum 4 dona, shakar 25 g, tuz 8 g, o‘simlik moyi 20 g, tvorog 300 g. Tartib: tuxum, shakar, tuz ko‘pirtiriladi, sutning yarmi va un qo‘shilib suyuq xamir qoriladi, qolgan sut va moy qo‘shiladi; qizigan, moy surtilgan tovaga xamir cho‘mich bilan bir tekis quyilib, o‘rtacha olovda avval bir tomoni, so‘ng ikkinchi tomoni pishiriladi; pishgan quymoqlar laganga taxlanadi; tvorog ezilib, shakar va smetana aralashtirilib qiyma tayyorlanadi; quymoq o‘rtasiga qiyma qo‘yilib, konvert shaklida o‘raladi; tortish oldidan tovada ikki tomoni qizartiriladi, ustiga sariyog‘ yoki smetana quyiladi. Murabboli quymoq shu xamirdan, sirtiga murabbo surtilib to‘rtga buklanadi va sovuq tortiladi. Tovada qizigan moy sachraydi va kuydiradi: pishirishni kattalar yoki o‘qituvchi bajaradi, bola faqat aralashtirish, o‘rash va bezashga yordam beradi.