Og‘irlik va ishqalanish kuchi

Ikki jism bir-biriga tegib sirpanganda yoki sirpanmoqchi bo‘lganda paydo bo‘ladigan va harakatga to‘sqinlik qiladigan kuch ishqalanish kuchi deyiladi. Sirt qancha g‘adir-budur bo‘lsa, ishqalanish shuncha kuchli. Ishqalanish foydali: u tufayli biz yo‘lda sirpanmay yuramiz, avtomobil g‘ildiragi yo‘lda ushlaydi, gugurt yonadi, tormoz mashinani to‘xtatadi. Muzda ishqalanish kam, shuning uchun sirpanchiq; qish kunlari yo‘lga qum sepiladi. Ishqalanish zararli ham: mashina qismlari ishqalanib, isiydi va yeyiladi. Uni kamaytirish uchun qismlarga moy suriladi, shariklar qo‘yiladi, sirt silliqlanadi. Qo‘llarni ishqalab isitish ham ishqalanishdan.