Teng bog‘lovchilar; sof va vazifadosh bog‘lovchilar

Ko‘makchilarda bo‘lgani kabi, bog‘lovchilar ham sof va vazifadosh bo‘ladi. Sof bog‘lovchilar boshqa hech qanday vazifada ishlatilmaydi, ular faqat bog‘laydi: va, ammo, lekin, biroq. Vazifadosh bog‘lovchilar esa gapga qarab turli vazifani bajaradi: bir gapda bog‘lovchi, boshqasida ko‘makchi, yuklama yoki modal so‘z bo‘lishi mumkin. Masalan, «Lola bilan Gulnora rasm chizdi» gapida «bilan» «va» o‘rnida kelgan bog‘lovchi, «Bo‘yoq bilan chizdi» gapida esa vosita bildiruvchi ko‘makchi. «Ham» takrorlanib kelsa bog‘lovchi bo‘ladi (Choy ham, non ham tayyor), yolg‘iz kelib ta’kid bildirsa — yuklama (Ukam ham keldi).