Ekish, parvarish va sug‘orish

Qator oralariga ishlov berish o‘simliklarning o‘sishi va hosildorligiga muhim ta’sir ko‘rsatadi. Kultivator bilan qatqaloq yo‘qotiladi, tuproq yumshaydi, ildizlar havo oladi, nam saqlanadi va begona o‘tlar yo‘qoladi. Kultivator ramalar, ish organlari, tayanch g‘ildiraklar va o‘g‘itlagich mexanizmlardan iborat. O‘simlik qatori o‘rtasidan ish organlarigacha bo‘lgan masofa muhofaza zonasi deyiladi; u ekin shikastlanmasligi uchun o‘simlik turiga qarab tanlanadi. Ishlaganda ish organlari belgilangan chuqurlikda yurishi, namli qatlam yuqoriga chiqmasligi, begona o‘tlar to‘liq kesilishi, ekin shikastlanmasligi va ko‘milmasligi kerak. Qator oralig‘i 60 sm bo‘lsa, asosiy oraliqqa ikkitadan tig‘li strelkasimon panja, tutash oraliqqa bitta pichoq va o‘rtasiga strelkasimon panja o‘rnatiladi. Rotatsion diskning ignasimon tishlari qatordan 3–5 sm uzoqda turadi. Kultivator bilan o‘g‘it ham beriladi (birinchi oziqlantirishda qatordan 15–28 sm, keyingisida 20–22 sm uzoqqa) va sug‘orish egatlari ochiladi. Kultivator traktorga ulangan holda ishlaydi: bolalar yaqinlashmaydi, qo‘l kultivatorini esa kattalar yoki o‘qituvchi ko‘rsatganidek, qo‘lqopda ishlatadi.