Amaliy mashg‘ulot: sarja va polotno to‘qish. Gazlamaning tomonlari va iplari
Gazlama bo‘ylama (tanda) va ko‘ndalang (arqoq) iplarning chatishishidan hosil bo‘ladi. Eng oddiy to‘qilish – polotno: tanda va arqoq iplari navbatma-navbat keladi, gazlamaning o‘ngi va teskarisi bir xil. Polotno to‘qilishli gazlamalar (chit, bo‘z, batist, zig‘ir polotnosi) pishiq, zich bo‘ladi. Sarja to‘qilishda gazlama o‘ngida chapdan o‘ngga, pastdan yuqoriga diagonal yo‘llar ko‘rinadi; sarja gazlamalar elastik, mayin, lekin polotnoga qaraganda pishiqligi pastroq. Sarjada moslama (rapport)da kamida 3 ta ip bo‘ladi va har bir arqoq ipi tashlanganda naqsh bir ipga suriladi. Gazlamaning o‘ngi gul bosilishi, silliqligi, tuki va tozaligiga qarab aniqlanadi. Bo‘ylama ip milkda bo‘ylama o‘tadi; gazlama bo‘yiga kam, ko‘ndalangiga ko‘proq cho‘ziladi; bo‘ylama bo‘yicha tez tortilsa jarangli ovoz chiqaradi; bo‘ylama ip ingichkaroq va silliq, ko‘ndalang ip yo‘g‘onroq va tukliroq. Bu belgilar lupada yaxshi ko‘rinadi.
Qog‘ozdan to‘qish: 10,5 × 15 sm oq qog‘ozni uzunasiga bir xil kesib (kesiklar soni juft, kattalar kesib bersa yaxshi), rangli tasmalarni goh ustidan, goh ostidan o‘tkazib polotno to‘qing; yelim bilan tasma uchlarini mahkamlang. Keyin sarja: 2 ta ostidan, 1 ta ustidan. Albomga yopishtiring.