Tagor va «Nur va soyalar» (I)

Robindranath Thokur (Tagor) 1861-yil 7-mayda Hindistonning Kalkutta shahrida tug‘ilgan; u oiladagi 14 farzandning kenjasi edi. Otasi uni butun Hindiston bo‘ylab olib yurib, muqaddas joylarni ko‘rsatgan, bola 8 yoshidayoq she’r yoza boshlagan. 1878–1880-yillarda London universiteti kollejida o‘qigan, uni tugatmay qaytgan; birinchi to‘plami «Oqshom qo‘shiqlari» 1882-yilda chiqqan. U asosan bengal tilida yozgan, she’r, doston, hikoya, qissa, roman va dramalar yaratgan; o‘sha paytda Hindiston Buyuk Britaniya mustamlakasi bo‘lgani uchun asarlarida xalqning zulmga qarshi kurashi aks etgan. «Gitanjali» to‘plamini ingliz tiliga o‘girgan, 1913-yilda Xalqaro Nobel mukofotiga sazovor bo‘lgan va mukofot pulini bolalar uchun bepul maktab ochishga sarflagan. Uning «Xalq qalbi» qo‘shig‘i Hindistonning, «Mening oltin Bengaliyam» qo‘shig‘i esa Bangladeshning milliy madhiyasiga aylangan; u ozodlikka avvalo savodxonlik va ma’rifat orqali erishiladi, deb bilgan va bu jihatdan o‘zbek jadidlarini eslatadi.