Yog‘ochlarning tashqi ko‘rinishi, yaroqlilik va yaroqsizlik belgilari
Xodalarni tilish (bichish) orqali arralangan materiallar olinadi: plastinka, taxta, reyka, brus, shpala va boshqalar. Arralangan material ikkita parallel yassi yuzaga ega bo‘lishi kerak. Hech bo‘lmaganda bitta yuzasiga randa ishlov berilgan taxta randalangan taxta deyiladi. Yog‘ochning yaroqliligi sinash orqali aniqlanadi: ko‘rinishi, qattiq-yumshoqligi, zichligi, tashqi ta’sirga chidamliligi tekshiriladi. Qattiqlikni aniqlashning oddiy usuli – unga mix qoqib ko‘rish: qayrag‘och, eman, nok, akatsiya kabi qattiq yog‘ochlarga oddiy mix qoqib bo‘lmaydi, tol, terak, qarag‘ay kabi yumshoqlariga oson qoqiladi. Kesilgan yog‘och quriganda suv bir tekis chiqmasa, yoriq, buralish, bukilish paydo bo‘ladi; shuning uchun yog‘och yuk bilan bostirilib, havo bir tekis tegib turadigan holda quritiladi.
Bozorda taxta tanlayotgan odam uni ko‘z baravariga ko‘tarib, chetidan qarab egri-bugri joyini tekshiradi. Shu oddiy usul to‘g‘ri taxtani topishga yordam beradi.
Duradgor, qurilish ustasi va mebel yasovchi materialning to‘g‘riligini ko‘z bilan tekshiradi.
Eshik, tokcha va stol chetiga uzunasiga qarab, qaysi biri eng to‘g‘ri ko‘rinishini ayting.
Mix sinovi: o‘qituvchi tayyor namunalarda (yumshoq va qattiq yog‘och) mix qoqish natijasini ko‘rsatadi (o‘quvchilar bolg‘a ushlamaydi). Guruh jadvalga yozadi: yog‘och turi – mix kirdimi – yumshoq/qattiq. Qo‘l bilan faqat sirtni sezish: silliq/g‘adir-budur.