Amaliy mashg‘ulot: chokidan so‘kilgan buyumlarni tikish
Kiyimni tuzatishda ish o‘rni ishga qarab tayyorlanadi: stol, stul, ish qutichasi, kerak bo‘lsa mashina va dazmol; yorug‘lik yaxshi tushib turishi kerak. Ishlar quyidagilar bo‘lishi mumkin: qo‘lda tikish, tugma qadash, petlya tikish, yamoq solish, so‘kilgan choklarni tikish, ilgak chatish. Choklar keskin harakat, juda katta qadam tashlash va sifatsiz ip tufayli so‘kiladi. So‘kilgan chokni tikish uchun gazlama rangidagi ip va qalinligiga mos igna olinadi. Tartib: so‘kilgan joydagi iplar olib tashlanib dazmollanadi, to‘g‘nag‘ich qadab qo‘lda ko‘klanadi, qaytma chok bilan mashina chokining qatorida tikiladi, ko‘klov olinib dazmollanadi va sifati tekshiriladi. Yirtilgan joy o‘ngini ichkariga qilib buklanib, to‘g‘nag‘ichlanadi, ko‘klanadi, mayda yo‘rma qaviq bilan tikiladi, ko‘klov olinadi, dazmollanadi. Igna, qaychi va dazmol bilan o‘qituvchi yoki kattalar nazorati ostida ishlang.
Ta’mirlash ustaxonasi: o‘quvchilar eski kiyimdagi so‘kilgan chok o‘rnini aniqlab, «nega so‘kilgan?» degan savolga javob yozadi. Igna bilan ish o‘qituvchi ko‘rsatmasi ostida.