To‘qish va ta’mirlash

Ko‘zoynak g‘ilofi uchun 2–3 raqamli ilmoq va jun, paxta, ipak yoki sun’iy tolali ip olinadi; kitobda 50 g jun tolali ip va 3 raqamli ilmoq berilgan. Avval 16 ta havoyi halqadan zanjir to‘qiladi. Ikkinchi qatorda xomaki halqasiz ustunchalar to‘qiladi. Qator oxirida ishni o‘girmasdan, birinchi zanjir atrofida aylantirib davom ettiriladi, shu tariqa g‘ilof aylana shaklida bo‘ladi. G‘ilof uzunligi ko‘zoynak uzunligiga qarab 15–18 sm bo‘lishi kerak. Kirish qismidagi qopqoq uchun aylananing yarmi konus shaklida to‘qiladi: har qatorda halqalar 2 tadan kamaytiriladi. Qopqoq yopiq turishi uchun 10 ta zanjir bilan petlya, ikkinchi tomoniga tugma to‘qiladi yoki tikib qo‘yiladi. G‘ilof qattiqroq bo‘lishi uchun ichiga yumshoq karton qo‘yish mumkin. Ilmoq va qaychi bilan ehtiyotkorlik bilan, qaychini yopiq uzatib ishlang; tugmani kattalar yordamida mahkam tikib qo‘ying.