Qo‘g‘irchoq kiyimiga oxirgi ishlov berish
Ko‘ylak tayyor bo‘lgach, ortiqcha iplardan tozalanadi. Orqa bo‘lak o‘rta chizig‘idagi taqilma uchun kertim bo‘yicha ip va igna bilan ikkita havoyi halqa bir tomonga tikiladi, halqalarga mo‘ljallab kichik tugmalar ikkinchi tomonga mahkam chatiladi. Tugmalar kuchli tikilishi kerak, aks holda ular uzilib, kichik bolalar tomonidan yutilishi mumkin. Lozimning bel qismiga tasma kiritiladi, poychasiga jiyak o‘rniga gulli tasma tikiladi, ortiqcha iplar qirqiladi va lozim kiydiriladi. Qo‘g‘irchoqning sochi o‘riladi, unga to‘rtburchak yoki dumaloq do‘ppi kiydirish yoki ro‘mol o‘rash mumkin. Tugatilgach, asboblar sanaladi va ish o‘rni yig‘ishtiriladi.
Qo‘g‘irchoq namoyishi: tayyor kiyim namunasini ko‘rsatib, sifat talablari (simmetriya, chok bir xilligi, dazmol) bo‘yicha 5 balli baholash varaqasini to‘ldiring.