Joy nomlari va ismlar

Ism — har bir kishiga tug‘ilganda beriladigan va umr bo‘yi yuradigan nom. Ota-onalar farzandiga ism tanlaganda, unga yaxshi tilak bildiradi, shuning uchun ismlarning ko‘pi chiroyli ma’noga ega: Zafar — g‘alaba, Jasur — botir, dovyurak, Sardor — boshliq, yo‘lboshchi, Nilufar — suvda o‘sadigan chiroyli gul. Kishi ismlarini o‘rganadigan tilshunoslik sohasi antroponimika deb ataladi. Ismlar doim bosh harf bilan yoziladi, ba’zilarida tutuq belgisi bo‘ladi: Ra’no, Ma’ruf. Ijodkorlar o‘zlariga taxallus ham tanlagan: Ogahiy — «ogoh, xabardor», Furqat — «ayriliq» ma’nosini bildiradi. Ismni buzib, asossiz qisqartirib aytish odobdan emas.