Hikmatli so‘zlar

Mashhur shoirlar, olimlar, davlat arboblari kabi taniqli kishilarning ibrat beruvchi fikrlari hikmatli so‘zlar deyiladi. Ular ko‘p yillik kuzatish va tajriba asosida tug‘ilgan bo‘lib, qisqa, lekin chuqur ma’noli bo‘ladi. Hikmatli so‘zning maqoldan asosiy farqi — muallifi aniq ma’lum bo‘ladi; maqolni esa xalq yaratgan, uning muallifi yo‘q. Shuning uchun hikmatli so‘z keltirilganda, albatta, muallifi ko‘rsatiladi. Masalan: «Tilga ixtiyorsiz — elga e’tiborsiz» (Alisher Navoiy). «Har bir millatning dunyoda borligini ko‘rsatadigan oynayi hayoti til va adabiyotidir» (Abdulla Avloniy). Hikmatli so‘zlar hayotda to‘g‘ri yo‘l tanlashga yordam beradi.