Ovqat hazm qilish va qon aylanish tizimi

Qon tomirlari bo‘ylab qon oqadi. Qon hujayralarga kislorod va oziq moddalarni olib boradi, chiqindi va karbonat angidridni olib ketadi. Qon tarkibida suyuq qism va hujayralar bor: eritrotsitlar (qizil qon hujayralari) kislorod tashiydi, ular qonga qizil rang beradi; leykotsitlar (oq hujayralar) mikrob va viruslardan himoya qiladi; trombotsitlar qon oqishini to‘xtatadi. Yurak — mushakdan iborat nasos, u tinmay qonni haydaydi. Uning kattaligi mushtingiz kabi. Qon yurakdan o‘pkaga borib kislorod oladi, yurakka qaytadi va yurak uni butun tanaga haydaydi. Immunitet — organizmning kasalliklarga qarshi turish qobiliyati; leykotsitlar mikroblarni «eslab qoladi». Immunitetni mustahkamlash uchun: har kuni badantarbiya, to‘g‘ri ovqatlanish, yetarli uyqu, toza havoda sayr, kun tartibi, mavsumga mos kiyinish va asta-sekin chiniqish (kattalar bilan, sovuq suvga to‘satdan sho‘ng‘imasdan).