Qushlar
Qushlar issiq qonli hayvonlar: tana harorati doim bir xil. Tanasi patlar bilan qoplangan, patlar issiqni saqlaydi, qanot va dum patlari esa uchishga yordam beradi. Qushlar tuxum qo‘yadi va ko‘pchiligi uya quradi, polaponlarini ochib chiqaradi va boqadi. Qushlarning ko‘rish va eshitishi yaxshi; boyo‘g‘li tunda sichqonning chiyillashini ham eshitadi. Burgut, lochin kabi yirtqich qushlar kemiruvchi va ilon ovlaydi, pelikan baliq tutadi, chittak va qaldirg‘ochlar zararli hasharotlarni yeydi, kaptar va chumchuq don yeydi. Ko‘pchilik qush uchadi, ammo Afrika tuyaqushi uchmaydi: qanotlari kichik, o‘zi og‘ir.
«Qush kuzatuvchisi»: hovli yoki bog‘da 10 daqiqa qushlarni kuzating. Nechta qush ko‘rdingiz? Ular nima qildi (uchdi, don cho‘qidi, sayradi)? Natijani daftarga yozing. Xohlasangiz, donxo‘rak yasang.