Zavqiy she’rlari: «Ajab ermas», «Hajvi ahli rasta»

«Ajab ermas» – muxammas, ya’ni besh misrali bandlardan tuzilgan she’r. Asli yetti band bo‘lgan, ammo sho‘rolar davrida to‘rt band qilib berilgan; to‘liq matnni 1997-yilda adabiyotshunos Rustamjon Tojiboyev tiklab e’lon qilgan. Har bandning oxirida «bo‘lsa, ajab emas» ma’nosidagi takror keladi: shoir yaxshi kunlar kelishi mumkinligini aytib umid bildiradi. Birinchi bandda u mustamlaka davri og‘ir kunlari bulutdek tarqalib ketsin, deb istaydi; keyingi bandlarda yurtdoshlarga murojaat, Yaratganga iltijo, adolat va obodlik orzusi, Farg‘onaning gullashiga ishonch keladi. Darslik shoirning bir satri bilan mustaqil O‘zbekiston gerbidagi Humo tasviri o‘rtasida o‘xshashlikni eslatadi.