Punktuatsiya: nuqta, vergul, so‘roq belgisi

So‘roq belgisi so‘roq gaplar oxirida qo‘yiladi. So‘roq gap so‘roq so‘zlari (kim, nima, qachon, qayerda) yoki -mi, -chi, -a, -ya kabi so‘roq mazmunidagi qo‘shimchalar yordamida hosil bo‘ladi: «Bugun kim navbatchi?», «Kitobni o‘qidingmi?», «Sen-chi?». Gap ichida qo‘llangan so‘roq so‘zidan keyin ham so‘roq belgisi qo‘yilishi mumkin: Sifat qanday? so‘rog‘iga javob bo‘ladi. Darak gap ham so‘roq ohangida aytilsa, oxiriga so‘roq belgisi qo‘yiladi: «Ertaga kelasan?»