Punktuatsiya: nuqta, vergul, so‘roq belgisi

Nuqta qayerda qo‘yiladi? 1) Xabar beruvchi (darak) gaplar va ko‘pincha buyruq gaplar oxirida; 2) biror narsa yoki voqeani nomlash uchun aytilgan qisqa gapdan keyin; 3) tartibni bildiruvchi arab raqamlaridan keyin (1. 2. 3.). Vergul qayerda qo‘yiladi? 1) sanab aytilgan uyushiq bo‘laklar orasida; 2) undov so‘zlardan keyin; 3) kimgadir murojaat qilingan so‘z (undalma)dan keyin; 4) takrorlangan so‘zlar orasida; 5) so‘zlovchining fikrga munosabatini bildiradigan so‘zlarning ikki tomonida. Masalan: «Bozordan olma, nok, uzum oldik.» — uyushiq bo‘laklar vergul bilan ajratilgan.