Izohli lug‘at (davomi), Koshg‘ariy, imlo lug‘ati

Imlo (orfografik) lug‘ati so‘zlarning qanday yozilishini ko‘rsatadi; unda so‘zlar alifbo tartibida beriladi. Bu lug‘at ayniqsa qo‘shib, ajratib yoki chiziqcha bilan yoziladigan so‘zlarni, tutuq belgili so‘zlarni va aytilishi yozilishidan farq qiladigan so‘zlarni tekshirishda yordam beradi. O‘zbek tilining imlo lug‘ati bir necha marta nashr etilgan, unda o‘n minglab so‘zning to‘g‘ri yozilishi berilgan (eng yangi nashrini kutubxonachidan so‘rang). To‘g‘ri yozgan kishi o‘zining savodli va madaniyatli ekanini ko‘rsatadi. Shubha tug‘ilganda lug‘atga qarash — yaxshi odat.