Ibroyim Yusupov

Ibroyim Yusupov 1929-yil 5-mayda Qoraqalpog‘istonning Chimboy tumanidagi Azot ovulida tug‘ilgan. 1949-yilda Qoraqalpog‘iston pedagogika institutini tugatib, shu yerda 1961-yilgacha til va adabiyotdan dars bergan. «Amudaryo» jurnalining bosh muharriri bo‘lgan (1961–1962), 1965–1980-yillarda Qoraqalpog‘iston Yozuvchilar uyushmasiga rahbarlik qilgan, keyin gazeta muharriri va Ma’naviyat va ma’rifat markazi raisi bo‘lgan. Dastlabki she’rlari 1940-yillar o‘rtalarida bosilgan. 30 dan ortiq she’riy va nasriy kitoblari bor: «Qora tol» to‘plami, «Akatsiya gullagan joyda», «Dala armonlari», «Mangu buloq» dostonlari, «Qirq qiz», «Umirbek laqqi» dramalari va «Ajiniyoz» librettosi. Jahon mumtoz she’riyatidan tarjimalari 1986-yilda «Mangu buloqlar» nomi bilan chop etilgan. 1974-yilda Berdaq nomidagi Davlat mukofotini, 2004-yilda «O‘zbekiston Qahramoni» unvonini olgan. Shoir 2008-yilda 79 yoshida vafot etgan.