Avaz O‘tar o‘g‘li

Avaz O‘tar o‘g‘li 1884-yil 25-avgustda Xiva shahrida hunarmand oilasida tug‘ilgan. Otasi Polvonniyoz O‘tar sartarosh bo‘lgan va «usta O‘tar» nomi bilan mashhur edi; uning uyida Ogahiy, Komil Xorazmiy kabi shoirlar tez-tez suhbat qurar, bu yosh Avazning she’riyatga erta qiziqishiga sabab bo‘lgan. Sakkiz yoshida maktabga berilgan, so‘ng madrasada o‘qib Hofiz, Nizomiy, Jomiy, Navoiy, Fuzuliy asarlarini o‘rgangan. O‘n to‘rt yoshlarida she’r yoza boshlagan, o‘n sakkiz yoshida taniqli shoir bo‘lgan va xon saroyiga taklif etilgan. Biroq hasadgo‘y kimsalar uni xonga yomon ko‘rsatgan: 200 darra urilgan, keyin Isfandiyorxon davrida yana 50 darra urilgan. Shoir 35 yoshida, 1919-yilda vafot etgan. U g‘azal, muxammas, masnaviy, mustazod, ruboiy, qit’a janrlarida yozgan va she’rlarini «Saodat ul-iqbol» devoniga jamlagan. Ma’rifatparvarlik uning ijodining asosiy mavzusi edi.