Yillik takrorlash

Leksikologiya so‘zni va uning ma’nolarini o‘rganadi. Eslaylik: sinonimlar — shakli boshqa-boshqa, ma’nosi yaqin so‘zlar (chiroyli — go‘zal); antonimlar — ma’nosi zid so‘zlar (issiq — sovuq); omonimlar — aytilishi va yozilishi bir xil, ma’nosi boshqa so‘zlar (tush — kunning o‘rtasi, tush — uyquda ko‘rilgan narsa); paronimlar — talaffuzi va yozilishi o‘xshash, ma’nosi farqli so‘zlar (nafas — nafis); ibora — bir butun ko‘chma ma’noli, ko‘pincha bitta so‘zga teng birikma (qo‘li ochiq — saxiy). Bundan tashqari, so‘zlar o‘z va o‘zlashma, eskirgan va yangi paydo bo‘lgan so‘zlarga bo‘linadi; terminlar, joy nomlari va ismlar ham leksikologiyada o‘rganiladi.